នារីពីរនាក់បងប្អូនត្រូវចោរបាញ់មួយគ្រាប់ចំ..... ~ ចំណេះដឹងទូទៅ

នារីពីរនាក់បងប្អូនត្រូវចោរបាញ់មួយគ្រាប់ចំកំភួនជើងខាងស្តាំ ទាំងពីរនាក់រួចប្លន់យកទូរសព្ទ័អាយហ្វូនពីរគ្រឿងនិងខ្សែក ផ្លាទីនមួយខ្សែជិះគេចខ្លួនដោយសុវត្តិភាព

vuthy

ថ្ងៃព្រហស្បត្ត៏ ទី៥ ខែមិថុនា ឆ្នាំ២០១៤ ម៉ោង ០៥:១៥

កោះសន្តិភាព

នារីរងគ្រោះពីរអ្នកបងប្អូនកំពុងសម្រាកព្យាបាលនៅក្នុងមន្ទីរពេទ្យ

រាជធានីភ្នំពេញ ៖ នារីពីរនាក់ជាបងប្អូននិងគ្នាត្រូវចោរបាញ់មួយគ្រាប់ប្លន់យក ទូរសព្ទ័ដៃពីរគ្រឿង និងខ្សែកប្លាទីនមួយខ្សែបណ្តាលឱ្យរបួសកំភួនជើងខាងស្តាំទាំងពីរ នាក់ហើយចោរបានជិះម៉ូតូគេចខ្លួនដោយសុវត្តិភាព ។ ហេតុការណ៍នេះកើតឡើងកាលពីវេលាម៉ោង ១និង៣០នាទី រំលងធ្រាត្រ ឈានចូលថ្ងៃទី ០៥ មិថុនា ២០១៤ នៅចំណុចក្បែរភោជនីដ្ឋានច្រឡំគូរ ស្ថិតក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។

ជនរងគ្រោះទី១.ឈ្មោះ ជុំ ដានីន ភេទស្រី អាយុ២២ឆ្នាំ ជានិស្សិត ចំណែកជនរងគ្រោះទី២.ឈ្មោះ ជុំ ឌីណាភេទស្រី អាយុ២៣ឆ្នាំ ជានិស្សិត ។ ជនរងគ្រោះទាំងពីរនាក់គឺជាបងប្អូននិងគ្នា ហើយស្នាក់នៅកន្លែងធ្វើការជាមួយគ្នា នៅក្នុងសង្កាត់ទួលទំពូង១ ។

ដោយយោងតាមប្រភពព័ត៌មានដែលជនរងគ្រោះប្រាប់ ទៅសមត្ថកិច្ចបានឱ្យដឹងថា មុនពេលកើតហេតុជនរងគ្រោះពីរនាក់បងប្អូននេះបានចេញពីកម្មវិធី ជប់លៀងរបស់មិត្តភក្តិ ហើយបានធ្វើដំណើរត្រឡប់មកកន្លែងស្នាក់នៅវិញដោយជិះម៉ូតូស៊ុយ ហ្ស៊ូគីឡែត មួយគ្រឿងពីរនាក់បងប្អួនស្រាប់តែមកដល់ចំណុចកើតហេតុ ក៏មានជនសង្ស័យជិះម៉ូតូស្កុបពីមួយគ្រឿងតាមពីក្រោយនាងនិងប្អូន ស្រី ហើយពេលដែលជនសង្ស័យជិះមកដល់ក្បែរនាងនិងប្អូនស្រីរបស់នាងនោះ ចោរបានដកកាំភ្លើងភ្ជង់និងបាញ់មួយគ្រាប់បណ្តាលឱ្យចំ កំភួនជើងខាងស្តាំទាំងពីរនាក់បងប្អូនធ្លាយពីកំភួនជើងម្នាក់ ទៅម្នាក់ទៀតនិងបៀមគ្រាប់នៅជាប់និងសាច់កំភួនជើងរបស់ឈ្មោះ ជុំឌីណា ទៀតផងបន្ទាប់មកចោរបានយក ទូរស័ព្ទIphone5មួយគ្រឿងនិងIphone 4 មួយគ្រឿងរួមជាមួយខ្សែកប្លាទីនមួយខ្សែជិះគេចខ្លួនដោយសុវត្តិ ភាព។

គួរបញ្ជាក់ផងដែរថា ជនរងគ្រោះពីរនាក់បងប្អូននេះគឺមិនបានសហការជាមួយនិងសមត្ថ កិច្ចទេពីព្រោះបន្ទាប់ពីរកើតហេតុគឺជនរងគ្រោះថានាងមិនដាក់ ពាក្យបណ្តឹងទេ ហើយពេលដែលសមត្ថកិច្ចសួរនាំអំពីហេតុការណ៍ក៏ជនរងគ្រោះមិនចង់ ឆ្លើយដែរ។ទាក់ទងនិងហេតុការណ៍នេះសមត្ថកិច្ចសន្និដ្ឋានថា មិនមែនជាករណីប្លន់ទេ បើករណីប្លន់មែនជនរងគ្រោះប្រាកដជាមកដាក់ពាក្យបណ្តឹងហើយ ម្យ៉ាងទៀតជនរងគ្រោះហាក់ដូចជាមានចេតនាចង់លាក់បាំងព័ត៌មានមិន ឱ្យសមត្ថកិច្ចដឹងទៀតផង។